Rromani Bósna II.
O prnango xelado
Sol panз xelade aćhile dromal, sa ćud, kana dikhle o trùpo odole prnange xeladesqoro.
Pása lesOe - lesqo banduk. Phiravel sas váзe o mulo jekh xelákerdino purano unifórmo, pharravdo anglal. Jekh buxlo churidipen chinel sas lesqo kolin, sa and-o kalo rat.
- Dikh-ta, o Izéti kátkha! - phenda jekh xelado.
- Amaro Rrom, o Izéti. Kon зanel de kana si akate ćhudino?
- Ója, ov si... -phende e avera.
Khetane vazdie les thaj ligarde les anda jekh vesorro, na but dur.
Kerde lesqe k-o maskar limóri phuváça, ta besle tele trujal, khinde ta zalutne, te pien cérra thuv.
- Hej, no kaj stale lesqe tiraxa? - puchla o xelado, odova so angluno prinзardas o trúpo. Besel sas vi ov ta piel sas thuv. „Sar phenen, amaro rrom, o Izéti, sar phenen, more, prnango mardas pes amare phuváqe?”
E avera khanć na phende. Sar jekh murs, bi lavesqo, ustile te ućharen rranénça ta patrnénça o limóri e prnange xeladesqoro.
And-o gav Rijecani, Bósna - Zulaj 1992.
Velibor Čolić
Rinčhibardăs: Rézműves Melinda
Niciun comentariu:
Trimiteți un comentariu