khiniava

me pakiav so si te khiniava
kana but le romenge lajavestar gilabava!
ivia me vakerau:von shelabershenge na kamen
nikada penge gogya te paruven!
sostar romalen phralalen tume kamen
amendar saste manush te prasaven?


kana tuume andar tumari lindra
kamena te ushten...but palal si te al!
tume phiranventume khaniles ek avresa,
thai pala gadaia kamen pakiva..
na puchen sostar pe tumende peren lajava..

sari phuv amendar asal thai prasal ..sostar?
shunen,dikhen:
akushas,choras,maras,
chungaras,nashas,hohavas,
le choren romen na dikhas,
shinavas thai na keras,
amare chaia kurenpe le gajentza,
pias, matias,gada lajaveske phiravas,
nasul krisiniaras,romenge na rovas,
gaje kamas te avas...thai nashtisaras
sostar?
ame siam roma ...roma
paruven tumare gia...
opre roma!